Builki “Azəristar” musiqi müsabiqəsində 20 nəfər iştirak edəcək. Layihənin mətbuat katibi Pərviz Əsgərovun verdiyi məlumata görə, birincilik uğrunda yarışacaq 20 iştirakçıdan 15-i oğlan, 5-i isə qızdır. Finalçılar iki gün ərzində 100-ə yaxın gənc arasından seçilib.
Finala vəsiqə qazanan 20 gənc hər həftə canlı yayımda hazırladıqları mahnıları oxuyacaq. Hər il olduğu kimi, bu il də “Azəristar” müsabiqəsi SMS səsverməsi yolu ilə keçiriləcək. Münsiflər heyətinə xalq artistləri Yaşar Nuri, Faiq Sücəddinov və bəstəkar Aygün Səmədzadə daxildir. /AzərTAc/