Azərbaycanın əməkdar artisti Azərinin Türkiyədə yeni veriliş aparacaq. ANS PRESS-in məlumatına görə, iyulun 18-də Bakı vaxtı ilə saat 22.00-da Azərinin Türkiyədə canlı yayım vasitəsilə verilişinin ilk buraxılışı olacaq. Azərinin ilk qonaqları Azərbaycanın xalq artisti, hazırda Türkiyədə fəaliyyət göstərən görkəmli sənətkar, professor Cahangir Novruzov və xalq artisti, Opera və Balet Teatrının solisti Samir Cəfərov olacaq. Verilişdə Azərbaycan mədəniyyəti, tarixi, əəbiyyatı, musiqisi barədə tamaşaçılara geniş məlumatlar veriləcək. Maraqlı fikir mübadiələsi aparılacaq. Hətta veriliş boyu internet vasitəsilə "Facebook" və digər sosial şəbəkələr vasitəsilə verilişə qoşulmaq, təklif və fikirlərini bildirmək imkanı olacaq.

Bir məqamı da xüsusilə vurğulayaq ki, verilişdə ortaq türk dövlətlərinin mədəniyytinin bir araya gəlməsinə önəm veriləcək. Azərin açıqlamasında hər dəfə verilişdə müxtəlif türkdilli xalqların mədəniyyəti, ortaq türk dövlətlərinin musiqisi və folkloru, klassik əsərləri, rəssamları və digər məlumatlar öz əksini tapacaq: "Məsləhət görərdim ki, İlk buraxılışımızdan tamaşaçılar bizi izləsinlər. Çünki ilk qonaqlarım həqiqətən Azərbaycanın tanınmış sənət adamlarıdır. Hər iki qonağım kifayət qədər Azərbaycan mədəniyyəti barədə məlumat vermək imkanı olan sətəçilərdir".