Azərbaycanlı müğənni Nura Surinin Xətai rayon Qaz İstismarı İdarəsi ilə ulduzu heç cür barışmır. ANS PRESS-in məlumatına görə, Nuri Suri Facebook səhifəsində yenə idarəni tənqid edib. O, yazıb ki, bu gün səhər Xətai rayonuna qaz verilməsi dayandırılıb: "Fikir vermisinizsə, hər ay səhərdən axşama kimi qazı kəsirlər. Guya, hardasa qəza baş verib. Bunların məqsədi nədir, hələ də başa düşə bilmirik. Elə bil and içiblər ki, ay tamam olmamış qazımızı kəsməlidirlər. Sonra da deyirlər hardasa qazdan ve partladı, yandı".