Azərbaycanlı gənc müğənni Ceyla klip çəkdirib. ANS PRESS-in məlumatına görə, müğənni sözləri populyar şairə Leylinin, musiqisi isə Hakan Erolun olan "Sevdim" mahnısına klip çəkdirib. Klipi Anar Hüseynov ekranlaşdırıb. Səsi ilə Ebru Gündeşi xatırladan 17 yaşlı ifaçı onun fanatıdır. Ceylanın klipi də məşhur türk sənətçisinə klipinə bənzədilib. Belə ki, onun klipində tərəfdaşı qismində qara dərili əcnəbi model Lemoha Patrik rol alıb.

Mahnının sözlərinin müəllifi Leyli Ceylanın Azərbaycanın Ebru Gündeşi olduğunu deyib. "Onun özü də Ebrunun fanatıdır. Bu klip onun ən böyük işidir. Ceylanın 17 yaşı var, indidən belə başlayıbsa gələcəyini parlaq görürəm".