Bakı. Ülkər Qasımova-APA. Azərbaycanı “Eurovision-2009” yarışmasında uğurla təmsil edən AySel Teymurzadə dünyaca məşhur Kreyk Devidlə (Craig David) görüşüb. APA-nın məlumatına görə, iki musiqiçi görüş zamanı birgə həyata keçirəcəkləri yeni layihəni müzakirə ediblər. AySel və Kreyk Devid hələ ki, bu layihə haqqında şərh vermək istəmirlər.

Əlavə edək ki, AySel Londonda yeni “Tonight” sinqlı lentə yazıdırıb. Çox qısa zamanda hitə çevriləcək bu mahnı Londonun “Dean Studios”da lentə alınıb. Sözügedən studiyada Lady Gaga, Beyonce, Jay-Z, Black Eyed Peas, P.Diddy, Celine Dion, Tom Jones, Elton John, Sting, Stevie Wonder, Will Smith və bu kimi dünyaca tanınmış sənətçilər öz hitlərini yazdırıblar.