Müğənninin APA-ya verdiyi məlumata görə, uzun müddətdir, üzərində işlədiyi yeni mahnısını məhz bayram ərəfəsində dinləyicilərin ixtiyarına verib: “Mənim yeni mahnımı çox gözlədilər. Pərəstişkarlarım bayram ərəfəsində artıq yeni “Fallin” mahnımı dinləyə bilərlər”.

A. Teymurzadə qeyd edib ki, mahnının müəllifləri onun “Eurovision-2009” müsabiqəsində duet ortağı olmuş Araş və britaniyalı musiqiçi Adamdır. Mahnını sənətçinin isveçli prodüseri, musiqiçi Robert Ulman aranjeman edib. Aysel bildirib ki, “Fallin” (“Aşiq olmaq”) lirik mahnıdır, sevgidən bəhs edir: “Bu mahnı mənim arzularımı ifadə edir. Bayram ərəfəsində hər birinizə hər zaman sevməyi və sevilməyi arzu edirəm”.

Qeyd edək ki, Aysel Teymurzadənin mahnısı artıq bir çox internet saytında yerləşdirilib. APA