Azərbaycanın xalq artisti Aygün Kazımova qızı İlqarənin sosial şəbəkədə yayılan qalmaqallı görüntüləri ilə bağlı çoxdan vəd etdiyi mətbuat konfransını keçirib. Müğənni bildirib ki, artıq videogörüntünün yayılmasında adı çəkilən Orxan Nəsirov qızı İlqarə İbrahimovadan üzr istəyəcək. Müğənninin sözlərinə görə, hazırda Türkiyədə müalicə olunan Orxan Nəsirov ona zəng vurub və Bakıya qayıtdıqdan sonra İlqarədən üzr istəməyə hazır olduğunu bildirib.

Xalq artisti həmişə olduğu kimi bu dəfə də həmin görüntüləri çəkib yayanları xalq qarşısında qızından üzr istəməyə çağırıb. Əks təqdirdə daha radikal addımlar atacağını və bu işi qanunla çözəcəyini deyib.