Xalq artisti Aygün Kazımova öz qrupunu yaradıb. ANS PRESS-in Day.Az-a istinadən verdiyi məlumata görə, yerli telekanallardan birinə açıqlamasında xalq artisti Aygün Kazımova üç qızdan ibarət musiqi qrupu yaratdığını deyib.

“Bu günlərdə hamı mənim qrupumu görəcək, - o deyib. - Qeyd edim ki, o, üç gözəl qızdan ibarətdir. Biz onlarla yeni layihə hazırlayırıq. Fikrimcə, onlar tamaşaçıların çoxunu təəccübləndirəcəklər. Bu qrupu görəndən sonra başa düşəcəklər ki, bizim şou-biznesdə nömrə bir məhz mənim qızlarımdır. Onlar çox istedadlıdırlar, hətta ingiliscə də oxuyurlar”.

Kazımova onu da bildirib ki, gələn il yaratdığı qrup “Eurovision” müsabiqəsinin seçim turlarında iştirak edəcək.