Tanınmış müğənni, Azərbaycanın əməkdar artisti Aybəniz Haşımova gənc həmkarı Ayaz Qasımovla duet oxuyub. ANS PRESS-in məlumatına görə, "Mənsiz qalacaqsan" mahnının sözləri millət vəkili Qənirə Paşayeva, musiqisi Oqtay Kazımiyə aiddir.

Aybəniz Haşımova Ayaz Qasımovla dueti ilə bağlı maraqlı məqamı Facebook səhifəsində bölüşüb. "Studiyaya gedəndə gördüm dəyərli Ayaz Qasımov çox qəmgin və üzgün vəziyyətdədir. Soruşdum ki, "Nə olub sənə?". Söylədi ki, "Aybəniz xanım, bu nəğmənin sözləri məni az qala məhv edib. Hətta, evdən çıxarkən övladımın üzünə baxıb çıxmışam". Doğrusu, çox kövrəldim. Aüaz məni də o vəziyyətə saldı. Boynunu qucaqlayıb dedim: "Ayaz, sən bu nəğməni mənim üçün oxu, mənim dilimlə oxu". Mahnının sonuna diqqət yetirsəniz eşidəcəksiniz - Ayaz mənsiz qalır".