Tanınmış bəstəkar-müğənni Arif Səlimov subaylığın daşını atır. ANS PRESS-in məlumatına görə, 3 gündən sonra - 24 oktyabrda sənətçi evlənir. Arif bəyin ailə quracağı xanım öz qohumudur.

Bəstəkar xəbəri təsdiqləməsə də, təkzib etmədi: "Mən bu barədə danışmaq istəmirəm, amma belə bir gün olarsa medianı dəvət edəcəm."

Xatırladaq ki, Arif Səlimov xalq artisti Nazpəri Dostəliyevanın pərəstişkarıdır. Onu bu sənətə məhz Nazpəri xanıma olan sevgisi gətirib. Elə bu səbəbdən də xalq artisti pərəstişkarı üçün klip çəkdirdi və təmtəraqlı təqdimat mərasimi düzənlədi.
Dostaliyeva məhz bu təqdimatda illərdir ona fanatlıq edən Arif Səlimovla duet oxuyacağına söz vermişdi. Hər kəs bu duetin xalq artistinin bəstəkar-müğənninin toy gününə hədiyyə edəcəyini düşünür.