Tanıtımını Böyük Britaniyada çox böyük uğurla həyata keçirən və mahnıları ilə artıq britaniyalı dinləyicilərin rəğbətini qazanmış azərbaycanlı müğənni və bəstəkar EMİNin (Emin Ağalarov) "Any time you fall" mahnısı Böyük Britaniyanın musiqi hit-paradında 28-ci yerə yüksəlib.

ANS PRESS-in müğənninin rəsmi internet saytına istinadən verdiyi məlumata görə, iyundan bu ölkədə dinlənilməyə başlayan kompozisiya indiyədək bu pillədə qərarlaşıb. "Any time you fall" qısa müddət ərzində Böyük Britaniya radio dalğalarında 1500 dəfə səslənib.