Dünyanın ən tanınmış cütlüklərindən olan Hollivud aktyorları Ancelina Coli və Bred Pitt yenidən valideyn olmağa hazırlaşırlar. Bu barədə məlumatı qərbin məşhur jurnalı olan "OK" yayıb. Xəbərin ən maraqlı cəhəti isə aktyorların əkiz uşaqları olması ilə bağlıdır. Belə ki, nəşrin mənbəsinin sözlərinə görə, Coli və Pitt əkizləri olacağı barəəd xəbəri eşidəndə çox təəcüblənib və seviniblər. Artıq körpələrin cinsidə bəllidir - iki oğlan.

Ailənin dostlarından birinin sözlərinə görə, bu xəbər xüsusilə çoxuşaqlı ana olan Ancelina Colini heyrətləndirib. "Onlar buna inana bilmirlər. Onlar o qədər sevinclidirlər ki, bu xəbəri sirr kimi saxlamağa çalışırlar. Belə gözəl xəbəri ancaq ailələr və çox yaxın dostlar bilirlər".

Qeyd edək ki, ən gözəl cütlük hesab edilən Ancelina Coli və Bred Pittin 6 uşağı var. Onlardan 3-ü Meddoks, Paks və Zakara övladlıq, 3-ü isə - Şeylo, əkizlər Noks və Vivyen doğmadır.