Dünyanın ən məşhur cütlüyü nəhayət ki, nişanlandı. ANS PRESS-in Türkiyə mətbuatına istinadla verdiyi məlumata görə, tanınmış Hollivud ulduzları Ancelina Coli və Bred Pitt 7 il bərabərlik və 6 uşaqdan sonra münasibətlərini rəsmiləşdirmək yolunda ilk addımı atıblar.
Bred Pittin sözcüsü Kyntia Pett-Dante "People" jurnalına açıqlamasında xəbər təsdiqləyib və uşaqlarında bundan çox xoşbəxt olduğunu bildirib. Ancaq o cütlüyün evlilik tarixi ilə bağlı hər hansı məlumat verməyib.

Bred Pittin dünyanın ən gözəl qadınlarından biri olan nişanlısına verdiyi nişan üzüyüdə gözəlliyi ilə göz qamaşdırıb. Üzük tanınmışların zərgəri kimi tanınan və İngilis kral ailəsi ilə çalışan Robert Prokop tərəfindən hazırlanıb. Almaz qaşlı üzüyün dəyərinin 250 min dollar olduğu bildirilir.

Əgər cütülük evlənsə bu 48 yaşlı Bred Pittin ikinci, 36 yaşlı Colinin isə 3-cü nigahı olacaq.

Xatırladaq ki, cütlüyün 6 uşaqğı var. Onlardan 3-ü övladlıq, 3-ü isə doğmadır.