Məşhur türk müğənnisi Alişan cadudan qurtula bilib. ANS PRESS-in "Habertürk" saytına istinadən verdiyi məlumata görə, bu barədə ifaçının özü bildirib.

"Evimə bir din adamı gətirdim. O, cadunu pozdu, amma mən artıq üzərimdə qoruyucu dualar daşıyıram", deyə Alişan söyləyib.

Xatırladaq ki, Alişan bir müddət əvvəl telekanallardan birində qonaq olarkən ona cadu edildiyindən şikayətlənib. Alişan evinin divarlarında qəribə yazıların yazıldığını deyib. Onun sözlərinə görə, o sevinəndə evinin divarlarında yəhudi dilində yazılar yazılmağa başlayır: “Silirəm, sonra yenə də çıxır. Həm də, bu hadisələr həyatımın xoşbəxt anlarında olur".

Alişan cadunun ona çox pis təsir göstərdiyini də bildirib: "Bir ara həqiqətən də mənə pis təsir etməyə başladı. Həyatdan küsmüşdüm, heç bir şey istəmirdim. Evdən bayıra çıxmaq istəmirdim".