Məşhur Hollivud ulduzu Harrison Ford ötən həftə, satdığı malikanəsi ilə mətbuatın gündəminə gəlib. Belə ki, aktyorun 8, 1 milyon dollara satdığı evdən, raket və partlayışlardan daldalanmaq üçün xüsusi zirzəmi aşkar edilib.

Gizli bomba sığınacağı olan 2 mərtəbəli evin 1951-ci ildə məşhur memar Cerard Kolkord tərəfindən inşa edildiyi bildirilir. Ev neo-kolonial stildə inşa edilib. Satılmış malikanəyə evdən başqa 3 qonaq evcikləri, ot örtüyü sahəsi, kiçik meşəlik və basseyn də daxil olub. Los Anceles Tayms qəzeti İndiana Cons kimi məşhurlaşmış Hiollivud ulduzunun bu malikanəni təxminən 30 il əvvəl aldığını qeyd edir.