Məşhur ingiltərəli müğənni Emi Vinhaus vəfat edib. "Press Association"nın məlumatına görə, 27 yaşlı ifaçı evində ölü tapılıb.

Qeyd edək ki, hələlik hadisənin səbəbləri məlum deyil, polis araşdırma aparır. Lakin gənc müğənnin spirtli içkilər və narkotik istifadəçisi olduğu bildirilir.

Emi Vinhausun pərəstişkarları hadisədən xəbər tutan kimi onun evinin qarşısına toplaşıblar.

Xatırladaq ki, Emi Vinhaus gənc olmasına baxmayaraq artıq 5 Grammy mükafatçısı olub.

İlk albomu “Frank”i 2003-cü ildə buraxmışdı. 2006-cı ildə “Back to Black” albomu isə onun bütün dünyada tanınmasına böyük yol açmışdı. Emi Vinhaus Grammy mükafatları ilə yanaşı Brit, MTV kimi nüfuzlu musiqi mükafatlarını da qaza bilmişdi. ANSPRESS