Artıq dünya Şərqdən Avropaya qazın nəqlinin Türkiyəsiz mümkün olmayacağını anlayır. Bunu Türkiyənin enerji və təbii ehtiyatlar naziri Taner Yıldız jurnalistlərə müsahibəsində bildirib. “Şahdəniz-2” layihəsinin əhəmiyyətinə toxunan nazir qeyd edib ki, Azərbaycanla Türkiyə arasında qaz sahəsində imzalanan sazişlər Türkiyə ərazisini tranzit məkana çevirir.

“Qazın nəql ediləcəyi 2017-2018-ci illərdə boru kəməri ilə birinci il 2 milyard kubmetr, ikinci il 4 milyard kubmetr olmaqla, 6 milyard kubmetr qaz ötürüləcək”, - deyə o vurğulayıb.