Bu gün AFFA İntizam Komitəsinin növbəti iclası keçirilib. Peşəkar Futbol Liqasından verilən məlumata görə, Unibank Premyer Liqasının XIX turunun “Qarabağ” – “Karvan” matçında qonaqların futbolçusu Zaur Ramazanov hakimə qarşı qeyri-etik hərəkət etdiyinə görə, 2000 manat cərimə edilib.

Bundan başqa futbolçu 2 oyunluq diskvalifikasiya olunub.

Oyunun 67-ci dəqiqəsində “Qarabağ” klubunun futbolçusu Ayxan Abbasov kobud oyuna görə, ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub isə İntizam Komitəsi tərəfindən 200 manat cərimə edilib. ANSPRESS