Futbol üzrə Azərbaycan kubokunda yarımfinal mərhələsinə yükəslən ilk komandanın adı məlumdur. Şəfa stadionunda keçirilən qarşılaşmada "Olimpik"i məğlub edən "Qəbələ" ilk yarımfinalçı olub. "Qəbələ"yə qələbə qazandıran qolu matçın 66-cı dəqiqəsində Fərzad Hatəmi "Olimpik"in qapısından keçirib. Bu komandalar arasında "Qəbələ"də keçirilən ilk qarşılaşma 1-1 hesabı ilə heç-heçə başa çatdığı üçün məhz "Qəbələ" növbəti mərhələyə yüksəlib. Azərbaycan kubokunda ¼ final mərhələsinin digər qarşılaşması isə Zaqatalada keçirilir. "Simurq"la "İnter"in qarşılaşmasında ilk yarıdan sonra hesab 1-1-dir. ¼ final mərhələsinin digər qarşılaşması saat 17.00-da "Bakı"yla "Xəzər-Lənkəran" arasında keçiriləcək. /ANS PRESS/