17 yaşadək futbolçulardan ibarət yığma komandamız Moldovanın paytaxtı Kişinyov şəhərində təşkil olunmuş “FA of Moldova Cup” turnirində mübarizəyə başlayıb. ANS PRESS-in məlumatına görə, Azərbaycan yığması bu gün turnirdə ilk oyununu keçirib. Litvalı həmyaşıdları ilə qarşılaşan futbolçularımız 2:1 hesabı ilə qələbə qazanıb.

Oyunda ilk qolu litvalı futbolçular vurub. Lakin sonra Orxan Əliyev penalti zərbəsini dəqiq yerinə yetirməklə, hesabı bərabərləşdirib. Kənan Manafovun vurduğu qol isə qarşılaşmanın yekun nəticəsini müəyyənləşdirib.