Valentin Qranatkinin xatirəsinə həsr olunmuş XXIV beynəlxalq turnirdə 19 yaşadək futbolçulardan ibarət Azərbaycan yığmasının qarşılaşacağı növbəti komanda müəyyənləşib.

ANS PRESS-in AFFA-ya istinadən verdiyi məlumata görə, mübarizə apardığı A qrupunda 3-cü yeri tutan komandamız, B qrupunda müvafiq pillədə qərarlaşmış Litva yığması ilə 9-12-ci yerlər uğrunda oyunda qarşılaşacaq.

Qeyd edək ki, qarşılaşma yanvarın bu gün Sankt-Peterburq şəhərindəki “Zenit” İdman Oyunları Sarayında keçiriləcək. Oyun saat 16:30-da başlayacaq.