Basketbol üzrə Azərbaycan yığma komandasının Avropa çempionatının seçmə mərhələsi çərçivəsində keçirəcəyi ilk oyununun vaxtı müəyyənləşib. Yığmamız “B” divizionunun ilk görüşünə səfərdə çıxacaq. Rəqib isə Albaniya yığması olacaq.

Albaniya - Azərbaycan qarşılaşması avqustun 8-də, Bakı vaxtı ilə 23:30-da başlayacaq. Bu arada Elxan Əliyevin yetirmələri Türkiyədə təlim məşq toplantısını davam etdirir. Yığmamız növbəti yoxlama matçında da qüvvəsini sınayıb. Türkiyənin əvəzedici komandası ilə qarşılaşan basketbolçularımız qələbə qazanıblar (80:47). Millimiz növbəti yoxlama görüşünü sabah Yeni Zelandiyaya qarşı keçirəcək. ANSPRESS