27 yaşlı futbolçu karyerasına Rumıniyanın “Qloriya Bistritsa” klubunda başlayıb (2001-2006), son 4 ili isə Moldovanın “Şerif” komandasında oynayıb. Arbanas “Şerif”lə çoxlu titul qazanıb. Belə ki, yarımmüdafiəçi 2007, 2008, 2009, 2010-cu illərdə “qızıl dubl” edib, 2007-də Moldova Superkubokunun, 2009-da “Birlik kuboku”nun qalibi olub.

Konstantin ötən Avroliqanın qrup mərhələsinin iştirakçısı da olub. Avrokuboklarda 30-dan çox oyunlar keçirən Arbanas subaydır, rus və ingilis dillərində danışır.

Qeyd edək ki, Konstantin “Xəzər-Lənkəran”ın son günlərdə üçüncü rumıniyalı transferi olub. Rumıniyalı Mirça Rednik baş məşqçi postuna gələndən sonra Stanku Stelian və Katalin Domanla müqavilə bağlanılıb. APA