“Xəzər Lənkəran” klubu Gənclər İnkişaf Proqramının baş məşqçisi Yuri Panfilovla yollarını ayırıb. Klub rəhbərliyi məşqçinin öz istəyi ilə istefaya dair ərizəsinə müsbət cavab verib.

ANS PRESS-in “Xəzər Lənkəran” klubuna istinadən verdiyi məlumata görə, Gənclər İnkişaf Proqramı rəhbərinin səlahiyyətləri müvəqqəti olaraq klubumuzun əvəzedici heyətinin məşqçisi Samir Ələkbərova həvalə olunub.

Xatırladaq ki, Yuri Panfilov “Xəzər Lənkəran” klubunda 2009-cu ilin iyulundan işləyirdi. O, “Xəzər Lənkəran” daxilində uşaq futbolunun inkişafına cavabdeh idi və yeniyetmə yaş qruplarının məşqçilərinə rəhbərlik edirdi. ANSPRESS