Avropa Liqasının ilkin təsnifat mərhələsinin cavab qarşılaşmasında səfərdə Estoniyanın “Nımme Kalyu” klubu ilə qarşılaşacaq “Xəzər Lənkəran” oyunun hazırlıqlarını yekunlaşdırıb. ANS PRESS-in məlumatına görə, Tallin şəhərinin “Le Kok” stadionunun ehtiyat meydançasında oyunöncəsi məşqini yüksək əhval-ruhiyyədə başa vuran komanda artıq “Nımme Kalyu” ilə cavab qarşılaşmasını gözləyir. Qeyd edək ki, vacib oyun öncəsi “Xəzər Lənkəran”ın heyətində itki yoxdur.

Avropa Liqasının ilkin təsnifat mərhələsinin “Nımme Kalyu” – “Xəzər Lənkəran” cavab qarşılaşması bu gün Tallinin “Kadriorq” stadionunda keçiriləcək. Norveçli hakim Daq-Vidar Xavsosun idarə edəcəyi qarşılaşma Bakı vaxtı ilə saat 20:45-də başlayacaq.