“Xəzər Lənkəran” futbol klubu tarixində ən böyük transferini həyata keçirib. ANS PRESS-in kluba istinadən verdiyi məlumata görə, transfer pəncərəsindən maksimum yararlanan komanda rəhbərliyi daha bir yeni futbolçu, Syerra-Leone yığmasının oyunçusu Julius Vubay ilə 2 illik müqavilə bağlayıb.

Julius Vubay özü də yeni kluba keçidi ilə bağlı fikirlərini bildirib: “Bu gündən mən “Xəzər Lənkəran”ın rənglərini qoruyacağam və əlimdən gələni edəcəyəm ki, bu il çempion biz olaq. Mən bura “Xəzər Lənkəran”la çempion olmağa gəlmişəm”. Ölkəsinin aparıcı futbolçularından olan Vubay Syerra-Lyone millisinin bombardirlər siyahısında 12 qolla ikinci pillədə qərarlaşıb.

Xatırladaq ki, futbolçu ümumilikdə karyerası ərzində 70-dən çox qola imza atıb. Hücumameylli yarımmüdafiəçi və hücumçu mövqelərində oynayan Julius Vubayın son klubu Rumıniyanın “Universitatya Krayova” kollektivi olub. O, həmçinin Kipr çempionatında da uzun müddət uğurla çıxış edib.