Boks üzrə ukraynalı dünya çempionu Vladimir Kliçko amerikalı aktrisa, “Qəhrəmanlar” serialının ulduzu Heyden Panettyerlə gizli nişanlanıb və cütlük bu ilin yayında toya hazırlaşır.

ANS PRESS-in İTAR-TASS-a istinadən verdiyi məlumata görə, Vladimir Kliçko və Heyden Panettyer 2009-cü ildən görüşməyə başlayıblar. 2011-ci ilin mayında onlar ayrılsalar da, bir müddət sonra əlaqələrini bərpa ediblər. US Weekly jurnalı yazır ki, 37 yaşlı boksçu və 23 yaşlı aktrisanı bu il dəfələrlə birlikdə görüblər.

“Onların toya hazırlaşdıqlarını çox az adam bilir. Heyden hələ nişan üzün taxmır”, - cütlüyün ümumi dostlarından biri jurnala deyib.

Hazırda Heyden Pannetyer “Nashville” serialında əsas rollardan birini oynayır. Aktrisa əvvəllər bildirmişdi ki, məhz idmançılarla görüşməkdən xoşu gəlir.