Venesuellada Kolumbiyanın həvəskarlardan ibarət futbol kommandasının 10 oyunçusunun cəsədi tapılıb. ANS PRESS “Cihan”a istinadən xəbər verir ki, cəsədlər Venesuellanın qərbindəki sərhəd əyaləti Taçirada tapılıb. Venesuellanın müdafiə naziri və prezidentin müavini Ramon Karrisales məlumatı təsdiqləyərək Kolumbiyanın sol görüşlü Milli Azadlıq ordusu (ELN) tərəfindən qaçırılan futbolçulardan 10-nun cəsədinin tapıldığını, 1 nəfərin ağır yaralı olduğunu, 1 nəfərin isə itkin düşdüyünü bildirib. Xatırladaq ki, Kolumbiyanın “Los Maniceros” futbol komandasının oyunçuları oktyabrın 11-də matç üçün Venesuellaya gəlmiş və burda qaçırılmışdılar.
ANSPRESS