Velosipedlə Avrasiya materikinə səyahətə çıxmış isveçrəli səyyahlar artıq Azərbaycanın Masallı şəhərindədirlər. İsveçrənin paytaxtı Bern şəhərindən olan gənc səyyahların məqsədi Avrasiya ilə əyani tanış olmaq, materik əhalisinin həyat tərzi, mədəniyyət, adət-ənənələri barədə ətraflı məlumat toplamaqdır. Azərbaycan 23 yaşlı Piter Valffenscmidt və Simon Eshholzerin yol boyu keçdiyi 12-ci ölkədir.

Qeyd edək ki, tələbə səyyahlar 2009-cu il sentyabrın 12-dən yola çıxıblar. Onlar İtaliya, Bosniya və Hersoqovina, Monteneqro, Kosovo, Makedoniya, Bolqarıstan, Türkiyə, Gürcüstandan keçiblər. Gənclər İran, Türkmənistan, Özbəkistan, Tacikistandan keçərək Çində Avrasiya səyahətlərini yekunlaşdıracaqlar. ANSPRESS