Azərbaycan yığması və "Neftçi"nin keçmiş futbolçusu Vəli Qasımov "Barselona"nın hazırkı baş məşqçisi Xosep Qvardiola ilə dost imiş. Vaxitlə Qasımov və Qvardiola meydançada rəqib qismində mübarizə aparıblar.
Belə ki, Qasımov "Betis"in şərəfini qoruyan zaman Qvardiola "Barselona"nın uğurları üçün çalışırmış. Məhz həmin vaxtdan bu iki nəfər arasında dostluq münasibətləri meydana gəlib.

Lakin Qasımov Azərbaycana qayıtdıqdan sonra Qvardiola ilə əlaqa saxlamayıb. Maraqlıdır ki, vaxtilə "Barselona" kimi komandanın baş məşqçisi ilə eyni meydançada top qovmuş Qasımova hazırda Azərbaycanda ehtiyac yoxdur. O, "Neftçi"nin idman direktoru postundan uzaqlaşdırılandan sonra işsiz dolaşır.

Qeyd edək ki, Qasımov uzun müddət Rusiya və Portuqaliyanın yüksək liqalarında çıxış edib. O, 16 yaşlılar arasında Avropa çempionu olan yeganə azərbaycanlı futbolçudur. Qasımov bu titulu 1985-ci ildə SSRİ yığmasının heyətində Macarıstanda qazanıb. Həmyerlimiz hətta həmin yarışın final matçında (SSRİ- Yunanıstan 4:0) bir qol vurub. ANSPRESS