Azərbaycanı yığma komandası və Hollandiyanın “Tvente” klubunun futbolçusu Vaqif Cavadov affavideo.az saytına müsahibə verib. Futbolçu müsahibədə AFFA və Hollandiyanın “Tvente” klubu rəhbərliyinə, zədəli olduğu zaman ona böyük dəstək verdiklərinə görə təşəkkür edib.

“Milli komandanın düşərgəsində olmaq xoşdur. Hansı klubda oynamağıma baxmayaraq həmişə yığma komandanı daha üstün tutmuşam. Burada hər bir futbolçu özü üçün nəsə təzə bir şey öyrənir”,-deyə Vaqif Cavadov bildirib.

“Tvente”nin üzvü Azərbaycanda bir çox futbolçuların Avropa klublarında oynayacaq səviyyədə olduqlarını da düşündüyünü vurğulayıb. ANSPRESS