Futbol üzrə Dünya Çempionatına A qrupunun ikinci oyununda Uruqvay mililsi meydan sahiblərini məğlub edib. Pretoriyadakı “Loftus Versfeld” stadionundakı qarşılaşma 3:0 hesabı ilə başa çatıb.

Uruqvaylı Diyeqo Forlan oyunda dubla imza atıb. Madridin “Atletiko” klubunda çıxış edən hücumçu birinci dəfə 24-cü dəqiqədə fərqlənib. 80-ci dəqiqədə isə o 11 metrilk cərimə zərbəsini qola çevirib. Diyeqo Forlan hazırda turnirin ən yaxşı bombardiridir.

Oyunun sonlarında Alvaro Pereyra komandasının üçüncü qolunu vurub.

Qeyd edək ki, 77-ci dəqiqədə CAR millisinin qapıçısı İtumelenq Kune qırmızı vərəqə alıb. ANSPRESS