Futbol üzrə Unibank premyer liqasında yeni mövsümün startı bu həftəsonu veriləcək. Artıq ilk turda keçiriləcək matçların başlama vaxtı da məlumdur. Çempionat Gəncədən başlayacaq.

Futbol üzrə Unibank premyer liqasında ilk turun 1-ci oyunu avqustun 7-də Gəncədə keçiriləcək. Bu şəhərin eyni adlı komandası “Simurq”u qəbul edəcək. Debütantla Zaqatala təmsilçisinin görüşü saat 18:00-da başlayacaq. Həmin gün daha iki qarşılaşma ilə yadda qalacaq. Məkrəzi matçda “Xəzər Lənkəran” “Qəbələ”ni qəbul edəcək. “Bakı” isə Tofiq Bəhramov adına Respublika Stadionunda “Azal”la qarşılaşacaq. Hər iki matç saat 20:00-da başlayacaq.

Turun digər 3 oyunu isə bazar gününə təyin olunub. “Turan” Tovuzda “İnter”lə üz-üzə gələcək. Çempionatın debütantı MOİK isə “Muğan”la münasibətlərinə aydınlıq gətirəcək. Bu qarşılaşmaların start fiti saat 18:00-da səslənəcək. “Neftçi”-“Qarabağ” matçı isə avqustun 8-i saat 20:00-a təyin olunub. Tofiq Bəhramov adına Respublika Stadionunda keiçriləcək oyunla tura yekun vurulacaq. ANSPRESS