Beynəlxalq Futbol Tarixi və Statistikaları Federasiyası ötən ilin ən güclü 100 futbol çempionatını müəyyənləşdirib. Siyahıda Unibank Premyer Liqası 209 xal toplayaraq 97-ci yerdə qərarlaşıb. Beynəlxalq futbol qurumunun saytında yerləşdirilən məlumata görə, çempionatımız Oman, Nikaraqua və Bosniya birinciliklərini arxada qoymağa müvəffəq olub.
Türkiyə çempionatı 691 xalla 10-cu, Rusiya 525 xalla 20-ci, Özbəkistan 403 xalla 33-cü, Gürcüstan 358 xalla 40-cı, Ermənistan çempionatı isə 264 xalla 75-ci yerdə qərarlaşıb.
Ötən ilin ən nüfuzlu çempionatı kimi İngiltərə premyer liqası seçilib. Sonarakı yerləri müvafiq olaraq İspaniya, Almaniya, Braziliya, İtaliya, Fransa, Argentina, Hollandiya və Ukrayna birincilikləri tutur.
ANSPRESS