Ukraynanın futzal yığması gələn il Azərbaycana gələcək. Ukraynalılar fevralda Bakıda planlaşdırılan turnirdə iştirak edəcək. Ukraynanın Mini-Futbol Assosiasiyasının prezidenti Gennadi Lisençuk gələcək planları haqda danışarkən ölkəmizə nəzərdə tutulan səfərə toxunub.

“Dekabrın 12-13-də Xersonda Moldova yığması ilə oynayacağıq. Yanvarın 18-19-da səfərdə Polşa yığması ilə görüşəcəyik. Fevralın əvvəlində Azərbaycanda 4 komandanın iştirak edəcəyi turnirə qatılacağıq. Həmin ayın ortasında isə Tehrana İran millisi ilə iki oyuna yollanacağıq. Yığmamızın son toplanışı Avropa çempionatının seçmə mərhələsinin startı ərəfəsində Xarkovda olacaq”, - deyə o vurğulayıb. ANSPRESS