Türkiyənin basketbol üzrə yığma komandasının Dünya çempionatındakı uğuru qiymətləndirilməyə başlayıb. Bu uğur münasibətilə hər basketbolçuya 400 qızıl hədiyyə olunub. Bundan başqa iş adamı Əli Ağaoğlu komandanın heyətinə daxil olan 12 basketbolçunun hər birinə mənzil verəcəyinə dair söz verib.

Türkiyənin baş naziri Rəcəb Tayyib Ərdoğan isə komanda üzvlərinə ümumilikdə 990 min dollar veriləcəyini açıqlayıb.

Xatırladaq ki, Türkiyənin basketbol üzrə yığma komandası Dünya çempionatında uğurla çıxış edərək gümüş medala sahib çıxıb. Qardaş ölkənin yığması yalnız final oyununda ABŞ kollektivinə 64:81 hesabı ilə məğlub olub. ANSPRESS