Rumıniyanın Mediaşe şəhərində ənənəvi “Kings Tournament” şahmat turniri başlayıb. Yarışda Azərbaycanı Teymur Rəcəbov təmsil edir.

ANS PRESS-in turnirin rəsmi internet saytına istinadən verdiyi məlumata görə, Teymur Rəcəbov turnirin ilk günündə ukraynalı Vasili İvançukla qarşılaşıb. Qrossmeysterimiz qara fiqurlarla oynayıb. Oyun ukraynalı şahmatçının 35-ci gedişdə qələbəsi ilə başa çatıb.

Günün digər qarşılaşmaları: Maqnus Karlsen (Norveç) - Xikaru Nakamura (ABŞ) - 1:0, Liviu-Diter Nisipənu (Rumıniya) - Sergey Karyakin (Russiya) - 0,5-0,5.

Teymur Rəcəbov turnirin ikinci günündə rusiyalı Sergey Karyakinlə qarşılaşacaq.

Turnir iyunun 21-də başa çatacaq.