Rumıniyanın Mediaş şəhərində keçirilən şahmat üzrə “Kings Tournament” turnirində üç turdan sonra üç lider var. Bunlar israilli Boris Helfand, rumıniyalı Liviu-Diter Nisipyanu və Azərbaycan qrossmeysteri Teymur Rəcəbovdur. Onların hər biri iki xal toplayıblar.

Boris Helfand üçüncü turda norveçli Maqnus Karlsenlə, Liviu-Diter Nisipyanu isə çinli Van Yue ilə heç-heçə oynayıb. Teymur Rəcəbov isə ukraynalı Ruslan Ponomoaryovu məğlub etməklə liderlərin sırasına qoşulub.

İyunun 25-nədək davam edəcək turnirdə üç turdan sonra iştirakçıların xalları belədir: Boris Helfand, Liviu-Diter Nisipyanu, Teymur Rəcəbov-hər biri 2 xal, Maqnus Karlsen-1,5 xal, Ruslan Ponomaryov, Van Yue-hər biri 1 xal. ANSPRESS