İspaniyada keçirilən şahmat üzrə ənənəvi beynəlxalq Linares superturniri davam edir. Yarışda Azərbaycanı təmsil edən beynəlxalq qrossmeyster Teymur Rəcəbov yarışın 12-ci turunda kubalı Leinier Dominguez Perezlə qarşılaşıb. Teymur Linares turninin autsayderi ilə qarşılaşmada heç-heçəyə razılaşıb. 12 turdan sonra aktivində 5 xalı olan Teymur Rəcəbov 8 şahmatçı arasında 7-ci mövqedə qərarlaşıb. Bu gün Linares turnirində 13-cü turun görüşləri keçiriləcək Teymur Rəcəbov norveçli Maqnus Karsenlə qarşılaşacaq.
Qeyd edək ki, 17 gün davam edəcək Linares superturnirinə martın 7-də yekun vurulacaq. Ümumi mükafat fondu 314 min avro təşkil edən turnirin qalibini 100 min avro məbləğində pul mükafatı gözləyir.

Elvin Rəsul/ANS PRESS/

1. Aleksandr Qrişuk 7 g RUS 2733 2. Vasili İvançuk 6,5 g UKR 2779 3. Maqnus Karlsen 6,5 g NOR 2776 5. Levon Aronyan 6 g ARM 2750 4. Vişvanatan Anand 6 g IND 2791 7. Yue Vanq 5,5 g CHN 2739 6. Teymur Rəcəbov 5,5 g AZE 2761 8. Leinier Dominguez Perez 5 g CUB 2717