İspaniyada keçirilən şahmat üzrə ənənəvi beynəlxalq Linares superturniri davam edir. Yarışda Azərbaycanı təmsil edən beynəlxalq qrossmeyster Teymur Rəcəbov 9-cu turda ukraynalı Vasili İvançukla qarşılaşıb. İkinci dövrənin ilk turunda hindistanlı Vişvanatan Anandla heç-heçə oynayan Teymur, bu dəfə İvançukla heç-heçəyə razılaşıb. 9 turdan sonra aktivində 3.5 xalı olan Teymur Rəcəbov sonuncu 8-ci mövqedə qərarlaşıb. İkinci dövrənin üçüncü turunun görüşləri bu gün keçiriləcək. Teymur Rəcəbov erməni şahmatçı Levon Aronyanla qarşılaşacaq.
Qeyd edək ki, 17 gün davam edəcək Linares superturnirinə martın 7-də yekun vurulacaq. Ümumi mükafat fondu 314 min avro təşkil edən turnirin qalibini 100 min avro məbləğində pul mükafatı gözləyir. /ANS PRESS/

LİNARES SUPERTURNİRİ 1. Aleksandr Qrişuk 6 g RUS 2733 2. Vasili İvançuk 5 g UKR 2779 3. Levon Aroniyan 5 g ERM 2750 4. Maqnus Karlsen 5 g NOR 2776 5. Vişvanatan Anand 4,5 g HND 2791 6. Leinier Dominguez Perez 3,5 g KUB 2717 7. Vang Yue 3,5 g ÇİN 2739 8. Teymur Rəcəbov 3,5 g AZE 2761