Bu gün XXX London Yay Olimpiya Oyunlarında Azərbaycanın cüdo yığmasının sonuncu üzvü Elmar Qasımov (100 kq) mübarizəyə qoşulub.

ANS PRESS-in məlumatına görə, 1/16 final mərhələsində cüdoçumuzun rəqibi qazaxıstanlı Maksim Rakov oldu. Qasımov yuko xalı ilə görüşü qalib başa vurdu.

Qeyd edək ki, olimpiadaya 8 idmançı ilə yollanan cüdo yığmamızın artıq 7 üzvü çıxışını medalsız başa vurub.