Tennis Akademiyasında “Baku Cup-2012” beynəlxalq turnirinin şəxsi yarışlarının final oyunu keçirilib. AzərTAc xəbər verir ki, turnirdə şəxsi yarışların həlledici qarşılaşması Serbiya tennisçisi Boyana Yovanovski və ABŞ idmançısı Culiya Kohen arasında olub.

Maraqlı idman mübarizəsi şəraitində keçən oyunda hər iki setdə, müvafiq olaraq 6:3 və 6:1 hesabı ilə qalib gələn Boyana Yovanovski “Baku Cup-2012” Beynəlxalq turnirinin qalibi olub–2:0.

Qoşa yarışların final mərhələsində isə Eva Birnerova (Çexiya) - Alberta Briyanti (İtaliya) cütlüyü İrina Buryaçok (Ukrayna) - Valeriya Solovyeva (Rusiya) dueti ilə qarşılaşacaq.