Hindistanın Kəlküttə şəhərində beynəlxalq şahmat turniri başa çatıb. Turnirdə iştirak etmiş şahmatçılarımızdan ən yüksək nəticəni Şəhriyar Məmmədyarov göstərib. Qrossmeystrimiz yarışda 2-ci yeri tutub. Sonuncu turda Çexiya şahmatçısı Viktor Lazniçka üzərində qələbə qazanan Şəhriyar Məmmədyarov 7,5 xalla 2-ci yeri özünə təmin edib. Beynəlxalq şahmat turnirində iştirak edən digər təmsilçilərimiz Rauf Məmmədov və Qadir Hüseynov isə 6,5 xalla yarışda 10-17-ci yerləri bölüşdürüblər. Turnirin qalibi adını isə Vyetnam şahmatçısı Le Kuanq Liem qazanıb.