Çempionlar Liqasının VI turunun “Rabitə” (Azərbaycan) – “Dinamo-Romprest” (Rumıniya) matçının bombardirinin adı açıqlanıb. “Sərhədçi” Olimpiya Mərkəzində baş tutan qrup mərhələsinin son qarşılaşmasında ən çox xalı Bakı klubunun serbiyalı legioneri Sanya Staroviç toplayıb. O, 63 dəqiqə davam edən oyunda komandasının aktivinə 17 xal yazdırmağı bacarıb.

“Rabitə”nin digər üzvlərindən – Kimberli Qlass 13, Mira Qoluboviç 11, Nataşa Krsmanoviç 10, Natalya Məmmədova 6, İrina Jukova və Boyana Doqanjiç hərəyə 2 dəqiq zərbə vurublar. “Dinamo-Romprest”in heyətində isə kapitan Alida Markovici 9 xal qazanıb.

Qeyd edək ki, rumıniyalıları 3:0 hesabı ilə məğlub edən “Rabitə” qrup mərhələsini birinci yerdə başa vurub. ANSPRESS