Beynəlxalq Şahmat Federasiyası (FİDE) yeni aylıq reytinq siyahısını açıqlayıb. ANS PRESS-in FİDE-nin rəsmi saytına istinadən verdiyi məlumata görə, bu dəfə ilk onluqda heç bir Azərbaycan nümayəndəsi yer almayıb.

Teymur Rəcəbov ötən ayla müqayisədə 4-cü pillədən 14-cü, Şəhriyar Məmmədyarov isə 10-cu pillədən 13-cü yerə enib. Dünya şahmatçılarının reytinq siyahısına isə norveçli qrossmeyster Maqnus Karlssen başçılıq edir. Onun aktivində 2868 xal var.