Şahmatçı qadınlar arasında Azərbaycan çempionatı keçirilir.

Azərbaycan Şahmat Federasiyasının mənzil-qərargahında baş tutan yarışda artıq 4-cü turun oyunları arxada qalıb.

Azərbaycan Şahmat Federasiyasından ANS PRESS-ə verilən məlumata görə, bu turda keçirilən görüşlərdə Nərgiz Umudova, Xəyalə İsgəndərova, Nərmin Xələfova, Gülnar Məmmədova, Türkan Həsənova, Səbinə İbrahimova qələbə qazanıblar. Zeynəb Məmmədyarova və Türkan Məmmədyarova qarşılaşması isə heç-heçə nəticələnib.

Xatırladaq ki, turnirin mükafat fondu 5000 manatdır. Çempionatda ilk 2 yeri tutacaq şahmatçılar Şəxsi Avropa Çempionatına vəsiqə qazanacaqlar.

Yarışlara yanvarın 20-də yekun vurulacaq. ANSPRESS