Yunanıstanın Porto Karras şəhərində şahmat üzrə Avropa çempionatı davam edir. Yarışın VI turunda Azərbaycan yığma komandası İspaniya seçməsi ilə qarşılaşıb. Vüqar Həşimovla Teymur Rəcəbovun oyundan ardıcıl heç-heçə çıxmaları fonunda Qədir Hüseynovun ispaniyalı rəqibinə uduzması komandamızı çətin vəziyyətdə qoyub. Yalnız Şəhriyar Məmmədyarov İvan Salqadonu yenməylə komandamızı məğlubiyyətdən qurtarıb.

Nəticədə ispanlarla 2:2 bərabərliyə nail olan yığmamız xal itkisi ilə üzləşib. Dörd turdan sonra millimiz 7 xalla ikincidir.

Qadınların turnirində isə yığmamız Xorvatiya millisi üzərində qazandığı inamlı qələbədən sonra autsayderlər qrupundan bir qədər aralanmağa müvəffəq olub. Millimiz 3 xalla 21-dir.