Türkiyənin “Fənərbaxça” klubunun şərəfini qoruyan rusiyalı voleybolçu Yekaterina Qamova müqaviləsinin müddətini artırması ilə bağlı məlumatları təkzib edib. Voleybolçu Türkiyə mətbuatında onun “Fənərbaxça” ilə müqaviləsinin müddətini daha 2 il artırması haqqında məlumatların həqiqətəuyğun olmadığını bildirib.

Voleybolçunun agenti Qamovanın hazırda Türkiyə çempionatının pley-off oyunlarına hazırlaşdığını bildirərək müştərisinin yalnız mövsümün sonunda karyerasını harda davam etdirməklə bağlı bir qərara gələcəyini açıqlayıb.

Xatırladaq ki, Yekaterina Qamova 2009-cu ildə Rusiyanın “Dinamo” (Moskva) klubundan “Fənərbaxça”ya transfer olunmuşdu. ANSPRESS