Apasport.az saytının məlumatına görə, R. Abdullayev jurnalistlərə açıqlamasında yığmamızı yerli mütəxəssisin çalışdırmağını istədiyini açıqlayıb. Ancaq məşqçi sarıdan qıtlıq olduğunu gizlətməyən R. Abdullayev adı daha çox hallandırılan “Qarabağ”ın çalışdırıcı Qurban Qurbanovun namizədliyinə də münasibət bildirib: “Məndən olsaydı, yığmamızın baş məşqçisinin yerli olmağını istərdim. Ancaq bizdə hələ o səviyyədə mütəxəssis yoxdur. Qurban Qurbanov isə hələ gəncdir. Milli komandamızın baş məşqçisi məsələsinə AFFA-nın İcraiyyə Komitəsinin iclasında aydınlıq gələcək”.

Qeyd edək ki, 2008-ci ilin aprelindən millimizi çalışdıran almaniyalı Berti Foqtsun AFFA ilə bağladığı müqavilənin müddəti bu ilin sonunda bitir.