Braziliyanın “Korintians” klubunun məşhur futbolçusu Ronaldo karyerasını bitirmək qərarına gəlib. Belə ki, o, 2010-cu ildə futbolla vidalaşacağını qeyd edib.

"Yekə diş" ləqəbli braziliyalı çoxsaylı zədə və məşqlərdən təngə gəldiyini və istirahətə ehtiyyacı olduğunu söyləyib.

“Çox yaxşı olar ki, mən “Korintians”ın heyətində Libertadores kubokunu qazanım. Bu kubok karyeramın sonunda mənim üçün əla hədiyyə olardı. Karyerama vaxtında son qoyaraq braziliyalı azarkeşlərin mənə olan məhəbbətlərinin azalmasına imkan verməyəcəm”, - deyə məşhur forvard bildirib. ANSPRESS